حِسـّـوا فينــا حسحسوونا P:

كل عام وانتوا بخيير
ومبارك عليكم الشهر مقدما



هالبوووست بعبر فيه عن احساسي
كيفي البلووق بلووقي والكيبوورد كيبووردي اي والله P~


تنبييييه
اللي يمر من يم البلوق مالي يرد عليه
لا ازعل والله لوول


اوكي ,, استمتعوا بقرائة قصص متفائله ماقبل النوم
اي لان بعد شوي بنام فديتني



يالله شوو بحس بالوحده
عنجد دايقه اخلاقي لانو ماعندي حدا بحاكيه
من الحره قلبت هندي هههههههه

صج والله الحيين بطلع برووح ماكو احد يطلع معاي
يااي حالة ميؤوس منها ,, شاااسوي آنا يعني ؟ انتحر
لا واللي يغث كل اللي اعرفهم اكثر شي يحبون التسوق ,, والمجمعات وانا ماحب اروح هالاماكن الا عشان اشتري فـ ماكو امل
واللي يغث اكثر اذا احد بيطلع يقولي ها بتروحين المكان الفلاني ؟
عاد اكون ماحب هالمكان فـ أقوول لا ماحب
سألوني ليش يغثني اكثر هالسؤال ؟ اوكي اجاوبكم
عشان يررووحوون معااي بالسياره تقزيره على راسي
ايييييييييه ياحزم الضامي

فـ محد ايحس كله هات وبس

^^^^^ المعنى ابطن الشاعر D:

ومابقى على رمضاان شي بنبتلش بالقعدات الحريميه السخيفه الممله
فلانه تقول :امس رحت السوق شفت جنطه اتينن
الثانيه تقول : ماشفتي الدراريع اللي نازله يديده شي موطبيعي
انا بفصل منهم حق العيد كااااااك

وتقعد تعطييج الوصف الدقيق الغثيث للمكان اللي فيه الشي الفلاني وانتي موهامج ولاتبينه ولامحتاجته اصلا بس ياربي عقلياات مادري شلون صايره

وانا قاعده ويرتفع ضغطي مرات ومرات اطنش جني ماسمع ومرات ودي اخنقهم لوول


شفيني حشيت بالعالم ! امبيه والله حالتي ميؤوس منها

الله يعيني

كسرت خاطر نفسي D:

:$


سلام عليكم

Just Hi

السلام عليكم ورحمة الله وبركاته

شلونكم شخباركم ان شاء الله طيبين


وااي من زمان مو كاتبه شي بالبلووق

بس كــا احلى بووست ســــلاام لكل من يمر منيي


السالفه


انه واايد وناسه لما تلاقي مسج من اي انساان كاان انه ماار وانه
Just wanna say hi

اكيد مار عليكم هالشي

مراات احتاار ,, مرات اقوول عادي هذي حركاات النت لوول
مرات ذوق من الشخص نفسه بما انه مــر على بروفايلك او بلوقك بيسلم
ماعندي سالفه ادري بس بكتب بووست مع انه حدي تعباانه
نفسياا وصحيا << جذي صح ؟ المهم يعني مريضه ,, شكرا الله يسلمكم :P

وان شاء الله البوستات اليايه احلى واحلى


PEACE

Don't forget to Smile

الابتساامه لها معاني كثييره ,, الابتسامه تدخلك قلوب الناس ' الطبيعيين '

لأن في عالم يعتبرون الابتسامه استهزااء ,, وفي ناس يشكون بـ اعمارهم



ليش تضحكلي جذي ؟ أكيد فيني شي غلط و تقعد تعدل بعمرهاا , شيلتها , شعرها , مكياجها watever يعني !








لما اشووف احد مبتسم انا ابتسم لاشعووري


أقدر أعتبر الابتسامه سحر ,, لأن لما تبتسم



جذي >>>>






الكل راح يبتسملك ,, الزعلان واللي معصب راح ينسى غضبه وتخليه يهدي




وشنو أحلى وأرقى من كلام نبينا محمد صلى الله عليه وسلم عن الابتساامه " تبسمك في وجه اخيك صدقه "



" إنكم لن تسعوا الناس بأموالكم , فليسعهم منكم بسط الوجه وحسن الخلق "


فـ إهني انعرف أهمية الابتسامه وانها وسيله اتصال من غير أي كلام


ووسيلة بعد انها تخلي الشخص اللي اول مره يعرفك ياخذ فكره طيبه عنك ويرتاحلك

لأن الانطباع الأول اللي ياخذه الناس عنك يضل ثابت عندهم لفتره طويله ..


اسئلة تحيرني ,,

مادري ليش مايحاولون يعرفونك اكثر ؟ ومادري ليش يحكمون عليك من أول نظره ؟


انزين لما نحكم على هالشخص انه عصبي أو موصاحي أو أو الخ يمكن بهالفتره أو هاليووم اللي انت دخلت فيها حياته


عنده ظرووف خلته جذي حاول تعرفه اكثر مره مرتيين ثلاث اذا ثبت لك انه جذي على طوول خلاص اهني يحقلك تحكم عليه


انا جذي طبعي ماحب الـFirst impression أو الانطباع الاول مامشي ورااه لأنه اغلب الوقت يخدع ..


هالموضوع طرى ابالي من فتره ,, قاعده أراجع نفسي شنو سويت وشنو ماسويت

شاللي غيرته بحيااتي << ماقدر أغير فيها شي ,, سوو شفت إني غيرت اشياا
واايد بنفسي ,, وتذكرت واايد مواقف صارتلي منذو زمنٍ بعييد
إهيا اللي اجبرتني اتغير ,,

مثلا ,, الابتساامه واللي هي محور الموضوع ,, آنا اعتقد إني ماكنت ابتسم !

لأن العالم كانوا يوصفوني بالمغروره !!

وهالشي كنت أستغرب منه لأني جداً متواضعه لول

بس صج والله يعني استغرب ليش يحكمون علي جذي من غير لايعرفوني وماحطييت ابالي

قلت يمكن ملامحي اتبين اني مغروره لان شوي حاده ,,
بالثانوي ,, وايد بناات لما يتعرفون علي يعترفون
انهم كانوا يحسوني مغرووره وحده منهم قالتلي كنت اكرهج كنت احسج وايد مغروره آنا ردة فعلي جذي @@

البنات الثانين قالوا انه يحسوني مغروره بس ماقالوا يكرهوني ويمكن كانوا يكرهوني بس مراعاة لشعوري ماعترفوا
بس هذي بطتهاا هههههههه
فـ رديت عليها للحين تكرهيني قالت لاشدعوه وقامت تمدحني هِـيـّــاااااااا D:


انزيين وتمضي الاياااام ,, واخلص الثانوي ,, وادش الجامعه ,, وانا للحين مغروره بنظر الناس
المهم وفي احد الايام وعقب انتهااء احد الـWeddings party اجتمعنا ابيت خالتي وقمنا نسولف

وبنت خالتي تقولي ياOptimistic فلانه تمدح لبسج وتقول Optimistic دايما مميزه بلبسها
بس جنها مغرووره " المره تسأل بنت خالتي " عاد بنت خالتوو فديتها قالتلها لا والله مومغروره ولاشي
بس هي تستحي واازد واازد وماتختلط بالعالم عشان جذي انتي تحسينها مغروره
ولاهي اتهبل << هذي من عندي ككككككك
المهم انا انصدمت وضااق خلقي ولاعت جبدي قلت لييش وقالتلي يمكن عشان ماتضحكيين ؟
ياربي ليش يقولون عني جذيه ؟ فـ قلت I have to change
لازم اختلط بالعالم وابتسم 24 ساعه عشان اوريهم اني خووش بنيه ^^
على فكره السالفه قدييمه حوالي 4 سنين او اكثر
وصج من ذاك اليووم ولله الحمد تعلمت اني ابتسم بوجييه النااس من غير لااخاف ينقدوون او غيره ..


انزيين سؤالين



تحسوون الواحد يقدر يتغير ؟ طبعا قصدي للأفضل ؟ وانتوا شنو غيرتوا بشخصيااتكم أو تعابيركم الوجهيه ؟

دمتم مبتسميين ^^

أفضل خبر هذا الإسبوع .

بعد عدة سنوات من التدريب والجهد والتعب حصل على لقب بطل العالم في لعبة التنس

تسلم الكأس ومعه شيك برقم كبير يتعدى المليون دولار , خرج من الملعب والفرحه تغمره , دخل سيارته متوجها لبيته

حياته ستتغير بعد دقائق , وقفت بجانب السياره وهنأته على انتصاره واخبرته ان طفلها يعاني من المرض منذ عدة أعوام

ويحتاج إلى زراعة كلية وهي لاتملك المال الكافي وأنها ستتركه يواجه الموت , تأثر كثيرا بقصتها , أخرج قلمه واظهر شيك الفوز

لكي تصرفه هي , وقال لها وهو يعطيها الشيك كلي أمل ان يعيش طفلك حياة ملؤها السعادة والأمل . في الأسبوع التالي وهو يتناول الغداء

تحدث معه أحد الموظفين وأخبره أن السيدة التي جاءت له الاسبوع الماضي محتاله وأنها لم تتزوج أصلا ولم يكن لها طفلا مريضا من الأساس , قال اللاعب هل تعني أنه لم يكن هناك طفل يحتضر , قال الموظف هذا صحيح , عندها علت وجه اللاعب ابتسامه عريضه

وقال هذا أفضــل خبــر سمعتـــه هذا الاسبوع .

' السبيل الوحيد لاثبات ملكيتنا للأشياء هو أن نعطيها للآخرين , أي شيء لانستطيع إعطائه فهو يملكنا .'

' بعد عشرين سنه من الآن ستندم على الأشياء التي لم تفعلها لا على الأشياء التي فعلتها ' . " مارتن توين "

سلسة قصص عن التنميه البشريه رائعه

الموقع اهني

كونوا متفائليين ^^

رغــم كل شي

رغـم الحـــزن
رغـم الظرووف
رغـــم الألـــــــــم
رغـــم الخـــــــوف
ولو ضاع الأمــــل

ببـقـــى أنـــــا

Waiting for life to begin

سلام


هذي أول بلوق لي ,, ويسعدني أكون بينكم كـ بلوقر

آنا كنت مقرره اني ماكتب شي الا لما تدش الـ 2010 بس ماقدرت انطر لوول

يلا مابقى عليها شي وكل عام وانتوا بخيير ^^


وحيااكم الله في الـ Blog :)